பால் பாயசம்

தேவையான பொருட்கள்

தேவையான பொருட்கள்:- 

அரிசி - 200 கிராம் 
பால் - 1 லிட்டர் 
சர்க்கரை - 250 கிராம் 
பாதாம், முந்திரி - 15 
ஏலக்காய் - 5 (பொடி செய்தது) 
திராட்சை - 15 
நெய் - 50 கிராம்

செய்முறை

செய்முறை:- 


1. பெரிய பாத்திரத்தில் பாலை கொதிக்க விடவும். கொதித்த பின் பாதி பாலை தனியே எடுத்து வைத்து விடவும். 


2. மீதியுள்ள பாதி கொதித்த பாலில் கழுவிய அரிசியைச் சேர்த்து (ஊற விட வேண்டாம்) 5-10 நிமிடம் வேக வைக்க வேண்டும். இடையிடையே கிளறி விடவும். 


3. பிறகு தனியே எடுத்து வைத்த பாலை சிறிது சிறிதாக அவ்வப்போது சேர்த்து சீராக கலந்து விடவும். 


4. அரிசி குழைய வெந்தவுடன் லேசாக மசித்து சர்க்கரை சேர்த்து, கரையும் வரை கலந்து விடவும். 


5. முந்திரி திராட்சையை நெய்யில் வறுத்துச் சேர்க்கவும். 


6. பொடி செய்த ஏலக்காயை சிறிது தூவி இறக்கி வைக்கவும்.